Die Afrikaanse Protestantse Akademie

Die Afrikaanse Protestantse Akademie NPC (APA) het in 1988 'n nederige, dog gefokusde begin gehad as teologiese skool van die Afrikaanse Protestantse Kerkverband. In 1999 is die APA amptelik as privaat tersiêre instelling by die Departement van Hoër Onderwys geregistreer met die bevoegdheid om die grade B.A. ('n kwalifikasie in die geesteswetenskappe) en B.Th. ('n kwalifikasie in die teologie) toe te ken. In 2017 is die Nagraadse Gevorderde Onderwyssertifikaat (NGOS) geakkrediteer. Die APA is 'n geregistreerde private akademie in tersiêre onderwys wat strewe na die ideaal van 'n vrye Christelike universiteit in Afrikaans.